ყველაზე დიდი შეცდომა, რასაც პარტნიორულ ურთიერთობაში ვუშვებთ და რაც ეგოს მთლიანად გვინადგურებს, ესაა ვუყურებდეთ პარტნიოს, როგორც გაბედნიერების საშუალებას.

ასეთი მიდგომის ფონზე ბედნიერი ვერ გახდებით.

რატომ?!

იმიტომ, რომ ვეღარ ვაღწევთ თვითკმარ მდგომარეობას, მთლიანად პარტნიორზე დამოკიდებული ვხდებით, მას ველოდებით როდის "აგვიყვანს მეცხრე ცაზე" და უცებ "ბრახ"! - რა მოხდება თუ მას ეს აღარ მოესურვება, ან საერთოდ არ შესწევს ამის უნარი?
დადგებით და მთელი დარჩენილი ცხოვრება იდარდებთ?

აი, წარმოიდგინეთ, ტორტის გამოცხობა რომ გინდოდეთ. ჩახვიდეთ მაღაზიაში, ამოიტანოთ კვერცხი და ლაყე გამოგადგეთ. რა უნდა ქნათ, თავში ხელები შემოირტყათ, ეს რა კარგი ტორტის გამოცხობა მინდოდა, მაგრამ კვერცხებმა არ გაამართლესო და მთელი დარჩენილი ცხოვრება უტორტოდ, ტორტის ნატვრაში გაატაროთ, ან ამ ლაყე კვერცხით გამოაცხოთ უხარისხო ტორტი?
თუ ამჯერად ახალი გზები გამოძებნოთ სურვილის ასასრულებლად, ან მოიფიქროთ უკვერცხო ტორტი, ან ახალი კვერცხი ამოიტანოთ, გამოიჩინოთ მთელი თქვენი ნიჭი, უნარი და ისეთი ტორტი გამოაცხოთ, როგორიც გინდოდათ?

მიხვდით?
ვერა, ხომ?!

მაშინ ასე გეტყვით:
- რად გინდათ ის "ლაყე კვერცხი", რომელმაც
არ გაამართლა თქვენი იმედები,
არ გაგრძნობინათ თავი ერთადერთად და განუმეორებლად,
არ დაგაფასათ,
ვერ შეეწყვეთ ხასიათით,
ვერ გაუგეთ ერთმანეთს,
ვერ უზრუნველყო თქვენი სიმშვიდე,
ვერ დააკმაყოფილა თქვენი მოთხოვნები სულიერად, ფიზიკურად, ფინანსურად, სოციალური სტატუსით ან სექსით...
რაღა თავში იხლით და რას ელოდებით მისგან? ჰა?!

გინდათ, ბოლოს და ბოლოს, "ტორტი" თუ არა?!

ხოდა, თუ გინდათ, აირჩიეთ საკუთარი თავი! - ესაა ყველაზე ძვირფასი ვინც გაგაჩნიათ და არასდროს ელოდოთ სხვას, რომ ბედნიერს გაგხდით, თავადვე იყავით საკუთარი თავის გამბედნიერებლები. მაშინ გექნებათ "ტორტიც", "შამპანურიც" და მაშინ იტრიალებს თქვენს გარშემო მთელი სამყარო!

2024-02-09

ავტორი: Emilia Em