რომელი მათგანია სწორი?

მე თუ მკითხავთ, ჩვენს მომავალს სამი ფაქტორი განაპირობებს ამ ცხოვრებაში:

1. დრო, როცა დავიბადეთ და ვარსკვლავები.

2. მშობლები და მათ გამო გამოვლილი ჩვენი ბავშვობა, რომელიც წარუშლელ კვალს ტოვებს ჩვენზე.

3. გარემო და გარშემომყოფი ადამიანები.

ამ სამ ფაქტორს თუ დავუკვირდებით, პირველის და მეორეს შეცვლა შეუძლებელია და აქედან გამომდინარე ჩვენი ბედი დიდწილად უკვე განსაზღვრულია.

მაგრამ რჩება მესამე ფაქტორი, რომლის შეცვლაც ჩვენ შეგვიძლია და თუ ხედავთ, რომ გარემო ან გარშემომყოფი ადამიანები აფერხებენ თქვენს წინსვლას და ბედნიერებას, თუ ვერ ხარობთ, ვერ ვითარდებით, ვერ ახერხებთ თვითრეალიზაციას და საკუთარი სურვილების გატარებას მათ გამო, აუცილებლად შეცვალეთ ისინი და წადით წინ.

ბედნიერება წინსვლაშია, განვითარებაშია, გზაშია და არა ერთი ადგილის ტკეპნაში, - დაიმახსოვრეთ ეს!

არ დაუშვათ, რომ ერთ ჭაობს შერჩეთ მთელი ცხოვრება, თორემ ამას ბოლოს აუცილებლად ინანებთ და არც არავინ დაგრჩებათ მადლიერი, რომ ცხოვრება შესწირეთ.

ცხოვრება მოკლეა. დრო კი ყველაზე ძვირფასი და უბედურებაში, დეპრესიაში, მიუღწეველ სურვილებზე ოცნებებში ნუ დაკარგავთ მას.

იმოქმედეთ!