საკმარისია ნიკოლ კიდმანი ვახსენოთ და თვალწინ წარმოგვიდგება მისი უნაკლო ფიგურა, დახვეწილი სახის ნაკვთები, გემოვნებით შერჩეული ტანზე მომდგარი ულამაზესი და უძვირფასესი სამოსი, ქერა თმა... სინამდვილეში კი ის დაბადებიდან წითურია, მაგრამ ასეთი ნიკოლი მხოლოდ მის მშობლებს თუ ახსოვთ. 

თავისი სილამაზისა და აღნაგობის შესანარჩუნებლად ჰოლივუდის ვარსკვლავს საკუთარი დიეტა აქვს. მთელი ცხოვრება დიეტაზე ყოფნა არც ისე კომფორტულია და ცხოვრებას ნამდვილ კოშმარად აქცევს. ნიკოლიც ამ დიეტას მიმართავს მხოლოდ ძალიან მნიშვნელოვანი მოვლენების წინ (მაგალითად, "ოსკარის" დაჯილდოვების ან ფილმის პრემიერის).

ამ დიეტის დაცვისას აუცილებელია მიიღოთ  დღეში 1,5 ლ გამოხდილი წყალი და საერთოდ ამოიღოთ კვების რაციონიდან ალკოჰოლი, შაქარი და მარილი. დიეტის პირველ კვირაში დაიკლებთ თითქმის მთელ ზედმეტ წონას, შემდეგ კვირაში - 100-150 გ-ს დღეში, მაგრამ გახდომის შედეგი მთლიანად გამყარდება. 

I დღე:

• საუზმე - შავი ყავა
• სადილი - 2 ცალი მაგრად მოხარშული კვერცხი, ისპანახი, ცოცხალი პომიდორი.
• ვახშამი - 1 ნაჭერი მოხარშული ხორცი, მწვანე სალათის ფოთლები. 

II დღე:

• საუზმე - ორცხობილა, შავი ყავა.
• სადილი - 1 ნაჭერი მოხარშული ხორცი.
• ვახშამი - 1 ნაჭერი ლორი, კეფირი. 

III დღე:

• საუზმე - ორცხობილა, შავი ყავა.
• სადილი - ნიახურის ძირები (ზეთში შემწვარი), პომიდორი, ხილი.
• ვახშამი - 2 კვერცხი (მაგრად მოხარშული), 1 ჩ/ჭ გახეხილი სტაფილო, 1 ნაჭერი უცხიმო ყველი.

IV დღე:

• საუზმე - შავი ყავა.
• სადილი - 1 კვერცხი (მაგრად მოხარშული), 1 ჩ/ჭ  გახეხილი სტაფილო, 1 ნაჭერი უცხიმო ყველი.
• ვახშამი - ხილის სალათი (დიდი პორცია). 

V დღე:

• საუზმე - შავი ყავა.
• სადილი - უცხიმო თევზის დიდი პორცია.
• ვახშამი - 1 ჩ/ჭ გახეხილი სტაფილო. 

VI დღე:

• საუზმე - ორცხობილა, შავი ყავა.
• სადილი - ქათმის ფილე (მოხარშული) მოზრდილი ნაჭერი.
• ვახშამი - 2 კვერცხი (მაგრად მოხარშული). 

VII დღე:

• საუზმე - უშაქრო მწვანე ჩაი.
• სადილი - 1 ნაჭერი მოხარშული ხორცი, ხილი.
• ვახშამი - მოხარშული თევზი ბოსტნეულით.

ავტორი: ემილი.