მეცნიერთა ჯგუფმა შელდონ კოენის ხელმძღვანელობით უნივერსიტეტიდან Carnegie Mellon, პიტსბურგში 4 წლის განმავლობაში შეისწავლეს ძილის გავლენა ადამიანის ჯანმრთელობაზე. მიღებული შედეგებით მათ გაახარეს ყველა ძილის მოყვარული ადამიანი. ახალი აღმოჩენის თანახმად, უფრო ჯანმრთელი ადამიანი ისაა, ვისაც მეტხანს სძინავს. დღე-ღამის განმავლობაში 7 საათზე ნაკლებ დროს ვისაც სძინავს, უფრო ხშირად ავადდებიან სურდოთი და სხვა დაავადებებით.

გაირკვა, რომ ძილის მოყვარული ადამიანები საშუალოდ 5-ჯერ უფრო იშვიათად ავადმყოფობენ იმათთან შედარებით, ვინც 8%-ით მეტი დროის განმავლობაში საწოლში შფოთავს და ფხიზლობს. ჯანმრთელობისათვის გადამწყვეტ ფაქტორად ითვლება არა მარტო ხანგრძლივი, არამედ ხარისხიანი ძილიც. 7 საათზე ნაკლები დროის განმავლობაში ვისაც სძინავს, 3-ჯერ უფრო ხშირად ავადდებიან სურდოთი, ვიდრე ისინი, ვისაც დღე-ღამის განმავლობაში 8 საათზე მეტხანს სძინავს.

ექსპერიმენტის სპეციალურად არჩეული, აბსოლუტურად ჯანმრთელი 153 მონაწილე მოწმდებოდა ექიმებისაგან ყოველ 5-10 კვირაში, დგინდებოდა მათი ძილის ხანგრძლივობა და ხარისხი. ბოლოს, 6 დღით მათ ათავსებდნენ კარანტინში, სადაც მიზანმიმართულად შეჰყავდათ მათ ორგანიზმში სურდოს ვირუსი. დაავადების შემთხვევაში პაციენტები ერთი თვით წყვეტდნენ თავის მონაწილეობას ექსპერიმენტში, მოგვიანებით კი აბარებდნენ სისხლს იმუნური რეაქციის ანალიზზე.

კვლევებმა აჩვენეს, რომ ზოგიერთი მათგანი უმკლავდებოდა სურდოს ვირუსს და არ ავადდებოდა. ასეთები იყვნენ ის ადამიანები რომლებსაც  ღრმად ეძინათ და ისინი, რომლებსაც უფრო დიდხანს ეძინათ. რაც უფრო ხანმოკლე და მოუსვენარია ძილი, მით მეტი შანსია დაავადებისა. ამასთანავე უმნიშვნელო ძილის დარღვევაც კი ამცირებს იმუნიტეტს და ზრდის ორგანიზმში ინფექციის მოხვედრის რისკს.

მოიწესრიგეთ ძილი და იყავით ჯანმრთელები. პერლა გისურვებთ ურყევ ჯანმრთელობას!

ავტორი: ემილი.