პლანეტის ერთ-ერთი წამყვანი სუპერმოდელი ადრიანა ფრანჩესკა ლიმა 1981 წელს დაიბადა ბრაზილიის სამხრეთით მდებარე ქალაქ სალვადორში .

სულ პატარა, 6 თვის იყო, როცა მამამ ოჯახი მიატოვა და დედას მარტოს მოუხდა მისი გაზრდა. ადრიანას მამასთან 2007 წლამდე არანაირი ურთიერთობა არ ჰქონია. ბოლოს, როგორც იქნა მცირე ხნით შეხვდნენ ერთმანეთს მამა-შვილი, თუმცა გოგონამ არ ისურვა შერიგებოდა მამას, რომელმაც ის და დედა სწორედ მაშინ მიატოვა, როცა ყველაზე მეტად ჭირდებოდა მამა ჰყოლოდა.

საინტერესოა ადრიანას წარმომავლობაც, მას ფრანგული , პორტუგალური, იაპონური და ასევე ამერიკელი ინდიელებისა და კარიბის კუნძულების აბორიგენთა სისხლი აქვს.

ადრიანას სამოდელო კარიერა იმ დღიდან დაიწყო, როცა სავაჭრო ცენტრში 13 წლის გოგონა სამოდელო სააგენტოს წარმომადგენელმა შენიშნა, შერჩევაზე  მიიწვია და ადრიანაც სიამოვნებით დათანხმდა წინადადებას.

ჯერ კიდევ 16 წლისამ, სერიოზულ კონტრაქტს მოაწრა ხელი სამოდელო სააგენტო ,,Elite,,_ თან.
18 წლის იყო, როდესაც ნიუ-იორკში მიიწვიეს. მალე ის ხვდება შემდეგი ჟურნალების ყდებზე: „Marie Claire", „Vogue". მონაწილეობდა ისეთი დიზაინერების ჩვენებებში, როგორებიცაა: Christian Lacroix" „Fendi", „ Emanuel Ungaro", „Giorgio Armani", „Valentino"..

მრავალმილიონიანი ბიუჯეტი ლიმას „Victoria's Secret"- თან თანამშრომლობამ მოუტანა, სწორედ ამის შემდეგ გახდა ლიმა მსოფლიოს ერთ-ერთი ყველაზე მაღალანაზღაურებადი მოდელი.

ადრიანა „Victoria's Secret"- ის სილამაზის ელჩია. ის გამორჩეულია ბრენდის რჩეული მანეკენებისაგან, რომლებიც თავიანთ მხრივ „Victoria's Secret"- ის ნებიერები არიან.
ამასთანავე, იგი კოსმეტიკური ბრენდის Maybelline-ის სახეცაა.

ადრიანა აქტიურადაა ჩართული საქველმოქმედო აქციებში, მან არაერთი ობოლ ბავშვთა სახლი გახსნა ბრაზილიაში. თუმცა ამგვარ საქმიანობაში ის არასოდეს ჩნდება ღიად.

ადრიანა ლიმა, არაეთხელ დასახელდა პლანეტის ყველაზე სექსუალურ და სასურველ ქალად. მისი სილამაზე ერთნაირად აღაფრთოვანებს ორივე სქესის წარმომადგენლებს.

ადრიანას პრადი ცხოვრება, არაა დატვირთული სკანდალებითა და თავგადასავლებით. ის ხვდებოდა მომღერალ ლენი კრავიცს (სხვათა შორის, მუსიკოსმა ადრიანა თავის კლიპებშიაც გადაიღო.) და ავსტრიის პრინცს ჰანს-ადამ ლიხტენშტაინ მეორეს.
პამელა ანდერსონის ყოფილმა ქმარმა, ტომი ლიმ ფიცი დადო, რომ მანამ არ ექნებოდა ქალებთან ურთიერთობა, სანამ ადრიანა მისი არ გახდებოდა, თუმცა ლიმამ განაცხადა , რომ ის არ აპირებდა სკანდალურ პირებთან ურთერთობას, და მითუმეტეს, რომ მისთვის მიუღებელი იყო ქორწინებამდე სექსუალური ურთიერთობა.

2006 წლიდან ადრიანა ხვდებოდა სერბ კალათბურთელს მარკო იარიჩს, ხოლო 2009 წელს მათ ჯვარი დაიწერეს. როგორც ადრიანა აცხადებდა, იგი ქალწული გათხოვდა.
იმავე 2009 წელს, წყვილს პატარა გოგონა ვალენტინა შეეძინა.

მიუხედავად გადატვირთული გრაფიკისა, ადრიანა ხშირად ახერხებს დედასთან ჩასვლას. არ ავიწყდება, რომ დედამ ჩვილი მეუღლის გარეშე გაზარდა და ყველაზე რთულ მომენტშიაც კი არ დაუკლია შვილისთვის ზრუნვა.